ঐক্য সেনা অসমৰ মুখ্য সম্পাদক ছহিদুল ইছলামৰ পদত্যাগ; বিজেপিত যোগদান কৰি জনীয়া সমষ্টিৰ পৰা নিৰ্বাচনত প্ৰতিদ্বন্দ্বিতাৰ সম্ভাৱনা !

Please follow and like us:
0


ঐক্য সেনা অসমৰ প্ৰতিষ্ঠাপক মুখ্য সম্পাদক ছহিদুল ইছলামে আজি গুৱাহাটীৰ প্ৰেছ ক্লাৱত আনুষ্ঠানিকভাৱে দলটোৰ পৰা পদত্যাগ কৰে। অব্যশ্যে ইছলামে সম্পূৰ্ণ ব্যক্তিগত কাৰণত দলৰ পৰা পদত্যাগ কৰা বুলি উল্লেখ কৰে।

এক নিৰ্ভৰযোগ্য সূত্ৰৰ পৰা লাভ কৰা খবৰ অনুসৰি ঐক্য সেনা অসমৰ সদ্য পদত্যাগী মুখ্য সম্পাদকগৰাকীয়ে দুই এদিনতে বিজেপি দলত যোগদান কৰাৰ পূৰ্ণ সম্ভাৱনা আছে।

ইতিমধ্যে ৰাজ্যৰ আগন্তুক উপ নিৰ্বাচনত কংগ্ৰেছৰ দখলত থকা জনীয়া সমষ্টিতো বিজেপিয়ে নিজৰ দখললৈ অনাৰ বাবে বিশেষ তৎপৰতা অৱলম্বন কৰিছে। এনেক্ষেত্ৰত ছহিদুল ইছলাম সমষ্টিটোত বিজেপি দলৰ প্ৰাৰ্থী হোৱাৰ পূৰ্ণ সম্ভাৱনা আছে।

আনহাতে, নৰ্থ-ইষ্ট নাওৰ সাংবাদিকে ইছলামক বিজেপিত যোগদান কৰিব বুলি ওলোৱা বাতৰিটো সন্দৰ্ভত প্ৰশ্ন কৰাত তেওঁ এক প্ৰকাৰ গেৰুৱা দলটোলৈ যোৱাৰ স্পষ্ট ইংগিত দিয়ে।

ইছলামে আমাৰ সাংবাদিকক বৰ্তমানলৈ তেনে সিদ্ধান্ত লোৱা নাই যদিও দুই এদিনতে ভাল খবৰ এটা জনাম বুলি কয়। ঐক্য সেনা অসমৰ পৰা পদত্যাগ কৰাৰ পাছত কাইলৈ তেওঁৰ সমষ্টিৰ সমৰ্থকসকলৰ লগত আলোচনা কৰি সমৰ্থকৰ সিদ্ধান্ত মতে আগবাঢ়িব বুলি মত প্ৰকাশ কৰে।

ঐক্য সেনা অসম গঠন হোৱাৰে পৰা অৰ্থাৎ ২০১৬ চনৰ পৰা ছহিদুল ইছলাম দলটোৰ সৈতে জড়িত হৈ আছিল। নাগৰিকত্ব সংশোধনী বিধেয়ক বিৰোধী আন্দোলনতো সক্ৰিয় ভূমিকা পালন কৰিছিল ইছলামে।

আজি প্ৰেছ ক্লাৱত অনুষ্ঠিত হোৱা সভাত ইছলামক দলীয় সমৰ্থকসকলে গামোচা, জাপি আৰু সম্বৰ্ধনা পত্ৰৰে দলৰ মঞ্চৰ পৰা আনুষ্ঠানিকভাৱে বিদায় দিয়ে।



Source link

Please follow and like us:
0

Leave a Reply

Your email address will not be published. Required fields are marked *