বিভিন্ন অনুষ্ঠানত অংশ ল’লে পৰিচালকগৰাকীয়ে

Please follow and like us:
0


বিশ্বৰ অতি পৰিচিত তথা বিখ্যাত কাঁন চলচ্চিত্ৰ মহোৎসৱত অংশগ্ৰহণ কৰি অসমৰ প্ৰসিদ্ধ পৰিচলাক ৰীমা দাসে সকলোৰে দৃষ্টি আকৰ্ষণ কৰিবলৈ সক্ষম হৈছে। ‘ভিলেজ ৰকষ্টাৰ্ছ’ আৰু ‘বুলবুল কেন ছিং’ ছবি দুখনেৰে আন্তৰ্জাতিক পৰ্যায়ত সুখ্যাতি লাভ কৰা ৰীমা দাসে মহোৎসৱখনত বিভিন্ন আলোচনা অনুষ্ঠানতো অংশগ্ৰহণ কৰে।

কাঁন চলচ্চিত্ৰ মহোৎসৱস্থলীত ভাৰতৰ ‘পেভিলিয়ন’ এটাৰ শুভাৰম্ভণি অনুষ্ঠানতো অংশগ্ৰহণ কৰে ৰীমাই। ভাৰত চৰকাৰৰ তথ্য আৰু সম্প্ৰচাৰ মন্ত্ৰালয়ে আয়োজন কৰা ‘ভাৰতীয় পেভিলিয়ন’ত দেশৰ চলচ্চিত্ৰ সম্পৰ্কত তেওঁ জুৰীৰ বিচাৰকসকলৰ সৈতে এক মত বিনিময় অনুষ্ঠানতো ভাগ লয়।

আঞ্চলিক ভাষাৰ ছবিসমূহে বিশ্বৰ দৰ্শকক কেনেকৈ আকৰ্ষিত কৰিব সেই সম্পৰ্কে হোৱা আলোচনাত ৰীমাই তেওঁৰ দৃষ্টিভংগী ব্যক্ত কৰে। এই অনুষ্ঠানটো মুকলি কৰে মন্ত্ৰালয়ৰ সচিব অমিত খাৰেই। অনুষ্ঠানটোত চি বি এফ চিৰ অধ্যক্ষ প্ৰসূন যোশী আৰু প্ৰযোজক ববী বেদীও উপস্থিত থাকে।

আনহাতে, পৰিচালকগৰাকীয়ে জৰ্জিয়া বিশ্ববিদ্যালয়ৰ ছাত্ৰ-ছাত্ৰীৰ সৈতে তেওঁৰ চলচ্চিত্ৰ সম্পৰ্কত মত বিনিময় কৰে। তদুপৰি,পৰিচালকগৰাকীয়ে মহোৎসৱত প্ৰদৰ্শিত বিভিন্ন ছবিসমূহ উপভোগ কৰে।

উল্লেখযোগ্য যে ইয়াৰ পূৰ্বে জাপানত অনুষ্ঠিত ‘ওছাকা এছিয়ান ফিল্ম ফেষ্টিভেলত’ ৰীমা দাসৰ ‘বুলবুল কেন ছিং’ ছবিখন পুৰস্কৃত হৈছিল।



Source link

Please follow and like us:
0

Leave a Reply

Your email address will not be published. Required fields are marked *