মানকাচৰৰ সীমান্ত অঞ্চলৰ পৰা আটক ৬জন গৰুৰ চোৰাং সৰবৰাহকাৰী

Please follow and like us:
0


মানকাচৰ জিলাৰ মানকাচৰ থানাৰ অন্তৰ্গত ভাৰত-বাংলাদেশ সীমান্তৰ পৰা সীমান্ত সুৰক্ষা বাহিনীয়ে ছয়জন গৰুৰ চোৰাং সৰবৰাহকাৰীক আটক কৰে। এই সৰবৰাহকাৰী কেইজনৰ গ্ৰেপ্তাৰে এতিয়াও যে সীমান্তত চোৰাং সৰবৰাহকাৰী চক্ৰ সক্ৰিয় হৈ আছে তাকেই প্ৰমাণ কৰে।

গৰুৰ চোৰাং সৰবৰাহৰ অভিযোগত আটক কৰা লোক কেইজনক ক্ৰমে আখিৰুল ইছলাম, আব্দুল আজাদ, হাবেজ উদ্দিন, সহিদূৰ ৰহমান, মিজানুৰ ৰহমান আৰু চান্দ মিয়া বুলি চিনাক্ত কৰা হৈছে।

অভিযোগ অনুসৰি আটকাধীন এই কেইজন লোকে সীমান্তৰ কাইটীয়া তাঁৰৰ বেৰ কাটি চুবুৰীয়া ৰাষ্ট্ৰ বাংলাদেশলৈ দীৰ্ঘ দিনৰ পৰা গৰু সৰবৰাহৰ চোৰাং বেহা চলাই আহিছিল। লোক কেইজনৰ পৰা তাঁৰ কটা যন্ত্ৰ-পাতিও উদ্ধাৰ কৰিছে সীমান্ত সুৰক্ষা বাহিনীয়ে।

জানিব পৰা মতে বৰ্তমান আটাইকেইজন সৰবৰাহকাৰীক মানকাচৰ থানাত জেৰা চলাই থকা হৈছে।



Source link

Please follow and like us:
0

Leave a Reply

Your email address will not be published. Required fields are marked *