মুখ্য মন্ত্ৰীৰ নাম সাঙুৰি সাম্প্ৰদায়িক মন্তব্য কৰা বিজেপি কৰ্মীক গ্ৰেপ্তাৰ মৰিগাওঁ আৰক্ষীৰ

Please follow and like us:
0


বিজেপিৰ আই টি চেলৰ এজন কৰ্মীক আজি দুপৰীয়া ভাগত মৰিগাওঁ আৰক্ষীয়ে গ্ৰেপ্তাৰ কৰে। বিজেপি কৰ্মীজন মৰিগাওঁৰ নিতুমণি বৰা বুলি চিনাক্ত কৰা হৈছে।

উল্লেখযোগ্য যে, বৰাই যোৱা ৯ জুনৰ দিনা মুখ্যমন্ত্ৰীৰ নাম সাঙুৰি মুছলমান সম্প্ৰদায়ক লৈ এক মন্তব্য কৰিছিল।

‘মুখ্যমন্ত্ৰী হিচাপে ব্যৰ্থ হৈছে …..
নিজৰ সুৰক্ষা নিজে কৰক @অসমীয়া জীয়াৰী বোৱাৰী সকল।
এতিয়া গেদাৰ হে আনন্দ সৰ্বানন্দ হৈছে গৈ…
নিজকে ধিক্কাৰ দিছোঁ…’ নিজৰ ফেইচবুক ৱালত এইদৰে লিখিছিল বিজেপিৰ আই টি চেলৰ কৰ্মীগৰাকীয়ে।

তাৰ পাছতে কালি মৰিগাঁৱৰে ৰাজু মহন্ত নামৰ এজন লোকে নিতুমণিৰ বিৰুদ্ধে মৰিগাওঁ থানাত এক গোচৰ ৰুজু কৰে। নৰ্থ ইষ্ট নাওৰ সাংবাদিকক এই কথা জানিবলৈ দিয়ে মৰিগাওঁ জিলা আৰক্ষী অধিক্ষক স্বপ্ননীল ডেকাই।

ৰাজু মহন্তৰ গোচৰৰ ভিত্তিত আৰক্ষীয়ে ৫৪৯/১৯ নম্বৰত এক গোচৰ ৰুজু কৰি বৃহস্পতিবাৰে নিতুমণিক গ্ৰেপ্তাৰ কৰে। বৰ্তমানো আৰক্ষীৰ জিম্মাতে আছে নিতুমণি।

ইপিনে, জানিব পৰা মতে বৃহস্পতিবাৰৰ দিনটোতে ননীগোপাল দত্ত নামৰ বিজেপিৰ আন এজন আই টি চেলৰ কৰ্মীকো তিনিচুকীয়াৰ পৰা আটক কৰে তিনিচুকীয়া আৰক্ষীয়ে। বৰ্তমানলৈকে কিয় বিজেপি কৰ্মীগৰাকীক আটক কৰিলে জানিব পৰা হোৱা নাই।

তদুপৰি, মাজুলীৰ হেমন্ত বৰুৱা নামৰ আন এগৰাকী বিজেপি কৰ্মীৰ ঘৰত তালাচী চলায় আৰক্ষীয়ে।

তাৎপয্যপূৰ্ণভাৱে, এক সুত্ৰৰ পৰা পোৱা খবৰ অনুসৰি মুখ্য মন্ত্ৰী সোণোৱালৰ বিৰুদ্ধে ছ’চিয়েল মিডিয়াত বিৰূপ মন্তব্য কৰা ১২৮ গৰাকী বিজেপি কৰ্মীৰ তালিকা অসম আৰক্ষীৰ হাতত পৰিছেহি। শীঘ্ৰে এই তালিকাৰ বিজেপি কৰ্মীৰ বিৰুদ্ধেও অসম আৰক্ষীয়ে ব্যৱস্থা গ্ৰহণ কৰিব বুলি জানিব পৰা গৈছে।



Source link

Please follow and like us:
0

Leave a Reply

Your email address will not be published. Required fields are marked *