যোৰহাটত ভয়ংকৰ পথ দুৰ্ঘটনা; মহিলাসহ ৩জন নিহত

Please follow and like us:
0


আজি পুৱতি নিশা যোৰহাটত সংঘটিত এক ভয়ংকৰ পথ দুৰ্ঘটনাত ৩জনকৈ প্ৰাণ হেৰুৱাবলগীয়া হয়। যোৰহাটৰ বাইপাছৰ সমীপত উক্ত দুৰ্ঘটনাটো ঘটে।

প্ৰাপ্ত তথ্য মতে কইনা চাবলৈ বুলি সোণাপুৰৰ পৰা মৰাণলৈ গৈ থকা অৱস্থাত এ এছ ০১ ডি জে-৩৬৫০ নম্বৰৰ এখন বলেৰ’ গাড়ীৰ এ এছ ২৫ চি চি -৬৭৪১ নম্বৰৰ এখন ট্ৰাকৰ সৈতে মুখামুখি সংঘৰ্ষ লগাত দুগৰাকী মহিলাৰ লগতে আন এজন লোকৰ ঘটনাস্থলীতে মৃত্যু হয়।

নিহত লোককেইজনক উৰ্মিলা শ্বাহ, প্ৰভাৱতী দেৱী আৰু ৰবীন্দ্ৰ শ্বাহ বুলি চিনাক্ত কৰা হৈছে। আনহাতে দুৰ্ঘটনাটোত আন ৪জন লোক গুৰুতৰভাৱে আহত হৈছে, আহতসকলক যোৰহাট চিকিৎসা মহাবিদ্যালয়ত ভৰ্তি কৰোৱা হয়।

আহতসকলৰ ভিতৰত এগৰাকী ১৪ বছৰীয়া কিশোৰীও আছে। জানিব পৰা মতে মমতা ৰাজকুমাৰী নামৰ কিশোৰী গৰাকীৰ অৱস্থা সুস্থ যদিও আম ৩জন আহত ক্ৰমে পুলক দাস,ৰাজু চাহু,সুদামা চাহুৰ অৱস্থা এতিয়াও সংকটজনক।



Source link

Please follow and like us:
0

Leave a Reply

Your email address will not be published. Required fields are marked *